وحشنى بيتنا يا ناس

NANO الخميس يونيو 10, 2010 5:51 am

وحشنى بيتنا يا ناااااس
بيت العيله والدفا والاحساس
.........................
اشتقتله فوق الحد
بحبه والله بجد
..........................
وحشونى اخواتى واللمه والهُلاله
وحشتنى بلادى وعم رأفت بتاع البليله
..............................
كل حاجه هناك وحشانى حتى الهوا بترابه ودخانه
وحشتنى صلاة الفجر مع جدى فى قلب الجامع
وحشتنى حتى البلكونه واتأمل ف البدر الطالع
.............................
وحشنى خالى والهزار وياه
وكلامه اللى عمرى ما هنساه
..............................
وحشنى الضحك والتمشيه
وهبل بليل ودمغنا المهويه
.............................
وحشنى اللعب مع جيرانى ع السلم نص الليل
وحشنى الكورنيش بمراكبه وريحه الفل وورد النيل
............................
وحشنى بيتنا يا ناس

نهال لفقى